সামাজিক মাধ্যমৰ একাউণ্ট বন্ধ কৰাৰ বিৰুদ্ধে হায়দৰাবাদত মেটাৰ কাৰ্যালয়ত প্ৰতিবাদ সাব্যস্ত কৰা যুৱ কংগ্ৰেছৰ প্ৰায় ২০ গৰাকী কৰ্মীক আৰক্ষীয়ে আটক কৰে।
সামাজিক মাধ্যমত যুৱ কংগ্ৰেছৰ পৃষ্ঠা বন্ধ কৰি ৰখা আৰু একাধিক পোষ্ট আঁতৰোৱাৰ অভিযোগক কেন্দ্ৰ কৰি Meta-ৰ কাৰ্যালয়ৰ সন্মুখত প্ৰতিবাদ সাব্যস্ত কৰিলে Indian Youth Congress-এ।
শুকুৰবাৰে হায়দৰাবাদৰ মাধাপুৰস্থিত Meta-ৰ কাৰ্যালয়ত সংঘটিত হয় এই প্ৰতিবাদ।
তেলেংগানা যুৱ কংগ্ৰেছৰ সভাপতি শিৱ চৰণে কয় যে তেওঁলোকে শান্তিপূৰ্ণভাৱে প্ৰতিবাদ কৰিবলৈ গৈছিল যদিও কাৰ্যালয়ৰ মূল ভৱনত প্ৰৱেশৰ অনুমতি দিয়া হোৱা নাছিল।
প্ৰতিবাদৰ সময়ৰ ভিডিঅ’ সামাজিক মাধ্যমত বিয়পি পৰিছে।
newznow.in