দুদিন বন্ধ থকাৰ পিছত গুৱাহাটীত পুনৰ চলিছে প্ৰায় এশখন গ্ৰীণ বাছ।
গুৱাহাটী: দুদিন ধৰি চলাচল বন্ধ ৰখাৰ পিছত গুৱাহাটীৰ ৰাজপথত শনিবাৰৰ পৰা পুনৰ চলিবলৈ আৰম্ভ কৰিছে অসম ৰাজ্যিক পৰিবহণ নিগমৰ (এএছটিচি) অধীনত থকা প্ৰায় এশখন গ্ৰীণ বাছ।
কাজিৰঙাৰ ৰঙাজানত সংঘটিত ভয়ংকৰ মিনিবাছ দুৰ্ঘটনাত ২৬ জন লোকৰ মৃত্যু হোৱাৰ পিছতে ৰাজ্যজুৰি নীতি-নিয়ম উলংঘা কৰা বাহনৰ বিৰুদ্ধে চৰকাৰে অভিযান ঘোষণা কৰিছিল।
এই অভিযান আৰম্ভ হোৱাৰ পিছতে মহানগৰীত চলি থকা প্ৰায় এশখন গ্ৰীণ বাছ সেৱাৰ পৰা আঁতৰাই ৰখা হয়।
এম-পৰিৱহণ প’ৰ্টেলত উপলব্ধ তথ্য অনুসৰি, বাছসমূহৰ কেতবোৰ নথি অসম্পূৰ্ণ অথবা ম্যাদ উকলি যোৱা অৱস্থাত আছিল।
newznow.in