দেশবাসীয়ে সোণ ক্ৰয় হ্ৰাস কৰাৰ বাবেই ইয়াৰ মূল্য কমিছে আৰু জনসাধাৰণৰ ধন ৰাহি হৈছে বুলি লক্ষ্ণৌত মন্তব্য কৰে প্ৰধানমন্ত্ৰী নৰেন্দ্ৰ মোদীয়ে।
তেওঁৰ আহ্বানৰ প্ৰতি সঁহাৰি জনাই দেশবাসীয়ে সোণ ক্ৰয় হ্ৰাস কৰাৰ বাবেই দেশত সোণৰ দাম কমিছে বুলি দাবী কৰিছে প্ৰধানমন্ত্ৰী নৰেন্দ্ৰ মোদীয়ে।
প্ৰধানমন্ত্ৰী মোদীয়ে উল্লেখ কৰা অনুসৰি, যোৱা মে' মাহত তেওঁ অতি প্ৰয়োজন নহ'লে দেশৰ জনসাধাৰণক এবছৰলৈ সোণ ক্ৰয় নকৰিবলৈ আহ্বান জনাইছিল।
এই সন্দৰ্ভত প্ৰাক্তন প্ৰধানমন্ত্ৰী লাল বাহাদুৰ শাস্ত্ৰীৰ খাদ্য সংকটৰ সময়ৰ ঐতিহাসিক আহ্বানৰ কথাও স্মৰণ কৰে প্ৰধানমন্ত্ৰীগৰাকীয়ে।
বজাৰৰ তথ্য অনুসৰি, ২০২৬ চনৰ ৯ মে'ত দিল্লীত ২৪ কেৰেট সোণৰ প্ৰতি গ্ৰামৰ মূল্য আছিল ১৫,২৫০ টকা।
newznow.in