ঘনকান্ত গগৈৰ মৃত্যুক লৈ ভুল তথ্য প্ৰচাৰ নকৰিবলৈ সংবাদ মাধ্যমক আহ্বান জনাইছে মুখ্যমন্ত্ৰী হিমন্ত বিশ্ব শৰ্মাই।
গুৱাহাটী, ৬ নৱেম্বৰঃ ঘনকান্ত গগৈৰ আৰক্ষীৰ গুলীত মৃত্যুৰ ঘটনাক লৈ ভুল তথ্য প্ৰচাৰ নকৰিবলৈ সংবাদ মাধ্যমক আহ্বান জনাইছে মুখ্যমন্ত্ৰী হিমন্ত বিশ্ব শৰ্মাই।
মুখ্যমন্ত্ৰীয়ে কয় যে ঘনকান্ত গগৈৰ মৃত্যুৰ ঘটনাক আৰক্ষীয়ে তেওঁক হত্যা কৰা বুলি প্ৰচাৰ কৰাটো উচিত নহয়।
ঘটনাটোক দুৰ্ভাগ্যজনক মৃত্যু বুলি অভিহিত কৰি শৰ্মাই কয় যে গণতন্ত্ৰত ন্যায় প্ৰদান কৰাৰ অধিকাৰ কেৱল আদালতৰহে আছে।
মুখ্যমন্ত্ৰীৰ মতে, কোনো অভিযুক্তই আৰক্ষীলৈ গুলীচালনা কৰিলে বা পলাবলৈ চেষ্টা কৰিলে আৰক্ষীয়ে নিজৰ কৰ্তব্য অনুসৰি ব্যৱস্থা ল’বলগীয়া হয়।
newznow.in