মহাৰাষ্ট্ৰৰ পাছত আসন্ন বিহাৰৰ বিধানসভা নিৰ্বাচনতো হ'ব পাৰে ব্যাপক খেলিমেলি! বিহাৰৰ বিধানসভা নিৰ্বাচনক লৈ ৰাহুল গান্ধীয়ে কৰিলে বিস্ফোৰক দাবী। মহাৰাষ্ট্ৰৰ বিধানসভা নিৰ্বাচন 'মেচ ফিক্সিং' আছিল বুলি চাঞ্চল্যকৰ দাবী কৰিলে ৰাহুল গান্ধীয়ে। মহাৰাষ্ট্ৰৰ বিধানসভা নিৰ্বাচনত ব্যাপক খেলিমেলি হোৱা বুলি ৰাষ্ট্ৰীয় পৰ্যায়ৰ সংবাদ পত্ৰত প্ৰৱন্ধ লিখি অভিযোগ উত্থাপন কৰিলে ৰাহুল গান্ধীয়ে।
২০২৪ চনত অনুষ্ঠিত মহাৰাষ্ট্ৰৰ বিধানসভা নিৰ্বাচনত ভোটাৰ তালিকাত ব্যাপক বিসংগতি থকাৰ অভিযোগৰাহুল গান্ধীৰ। ভোটাৰ তালিকাত ভুৱা ভোটাৰৰ নাম সন্নিবিষ্ট কৰাৰ অভিযোগ উত্থাপন কৰিছে বিৰোধী দলৰ দলপতি গৰাকীয়ে।মহাৰাষ্ট্ৰৰ বিধানসভাৰ নিৰ্বাচনত যিবোৰ সমষ্টিত বিজেপি পৰাজিত হ'ব বুলি আশংকা কৰা হৈছিল সেইবোৰ সমষ্টিতে হৈছিল খেলিমেলি!
মহাৰাষ্ট্ৰৰ হৈ যোৱা খেল খন আসন্ন বিহাৰৰ বিধানসভা নিৰ্বাচনতো পুনৰাবৃত্তি হোৱাৰ শংকা প্ৰকাশ কৰিলে ৰাহুল গান্ধীয়ে। বিৰোধী দলৰ দলপতি গৰাকীৰ চাঞ্চল্যকৰ অভিযোগে এতিয়া তোলপাৰ লগাইছে দেশৰ ৰাজনীতি।