অতীতৰ ভুলকে আমেৰিকাই পুনৰাবৃত্তি কৰিব খোজিছে নেকি? মধ্যপ্ৰাচ্যত তৃতীয় বিশ্বযুদ্ধৰ দামামা বাজি থকাৰ মাজতে হঠাৎ আমেৰিকাক সকীয়নি চীনৰ। আমেৰিকাই হঠাতে ইৰাণৰ বিৰুদ্ধে আৰম্ভ কৰা ‘অপাৰেচন মিডনাইট হেমাৰ’ৰ পিছতে চীনে উভতি ধৰিছে আমেৰিকাক।
চীনৰ এই সকীয়নিৰ পিছতে ভয়ংকৰ যুদ্ধৰ দিশে গতি কৰাৰ সম্ভাৱনা। তৃতীয় বিশ্বযুদ্ধৰ দিশেৰে গতি কৰিছে নেকি সমগ্ৰ বিশ্ব! আমেৰিকাই ১৫ দিনৰ ডেডলাইন দিয়াৰ মাজতে হঠাৎ ইৰাণৰ তিনিটাকৈ পাৰমাণৱিক প্ৰকল্পত হঠাৎ বি-2 ষ্টিলথ বিমানেৰে বাংকাৰ বাষ্টাৰ বোমাৰ জৰিয়তে ভয়ংকৰ আক্ৰমণ চলালে। এই আক্ৰমণৰ পিছতে অধিক অশান্ত হৈ পৰিছে মধ্যপ্ৰাচ্যৰ পৰিস্থিতি। আমেৰিকাক দীৰ্ঘস্থায়ী পৰিণতিৰ হুংকাৰ ইৰাণৰ। ইয়াৰ পিছতে ৱাশ্বিংটন-নিউয়ৰ্কসহ গুৰুত্বপূৰ্ণ মাৰ্কিন চহৰসমূহত সতৰ্কতা জাৰি কৰিছে স্থানীয় প্ৰশাসনে।
আমেৰিকাই ইৰাণৰ ওপৰত কৰা আক্ৰমণ মধ্যপ্ৰাচ্যৰ বাবে ‘বিপজ্জনক টাৰ্ণিং পইণ্ট’ বুলি অভিহিত কৰিছে চীনে। ইতিমধ্যে ৰাছিয়াই ইৰাণ আৰু ইজৰাইলৰ যুঁজত আমেৰিকাক প্ৰৱেশ নকৰিবলৈ সকীয়াই দিছিল। ৰাছিয়াই আমেৰিকাক সকীয়াই কৈছিল যে ‘ইৰাণ আমাৰ বন্ধু ৰাষ্ট্ৰ। যদিহে আমেৰিকাই ইৰাণক আক্ৰমণ কৰে তেন্তে আমি হাত সাবতি বহি নাথাকো। তেহৰাণে সহায় বিচাৰিলে আমি আগবাঢ়ি যাম।’
আনহাতে, চীনে ২০০৩ চনৰ ইৰাক যুদ্ধৰ কথা উল্লেখ কৰি আমেৰিকাক সমালোচনা কৰিছে। চীনৰ অভিযোগ মধ্যপ্ৰাচ্যত আমেৰিকাৰ সামৰিক হস্তক্ষেপে পৰিস্থিতি পূৰ্বেও বেয়া কৰিছে। মধ্যপ্ৰাচ্যত আমেৰিকাৰ স্থিতিক লৈও সমালোচনা বেইজিঙৰ। ইৰাক, আফগানিস্তান আদি দেশত আমেৰিকাই দীৰ্ঘদিন সামৰিক হস্তক্ষেপ কৰিছিল। তাৰ পিছতেই দেখা দিছিল দীৰ্ঘদিনীয়া সংঘাতে। লাখ লাখ সাধাৰণ নাগৰিকে হেৰুৱাবলগীয়া হ’ল প্ৰাণ। দেখা দিছিল আঞ্চলিক অস্থিৰতাই।
ভাৰতৰ লগতে অষ্ট্ৰেলিয়া, নিউজিলেণ্ড আদি দেশে সামৰিক সংঘাতৰ সলনি আলোচনাক অগ্ৰাধিকাৰ দিবলৈ ইৰাণ আৰু ইজৰাইলক আহ্বান জনাইছে। কূটনৈতিক পদ্ধতিয়ে মধ্যপ্ৰাচ্যত শান্তি ঘূৰাই আনিব বুলি আশাবাদী ৰাষ্ট্ৰসংঘ। ইফালে ইৰাণৰ পাৰমাণৱিক স্থানত আমেৰিকাৰ বিমান আক্ৰমণক গৰিহণা দি পাকিস্তানে পশ্চিম এছিয়াত অধিক ব্যাপক তীব্ৰতা বৃদ্ধিৰ কৰিছে।
