দলগাৱঁত কংগ্ৰেছ কৰ্মীয়ে দিলে কংগ্ৰেছ মুৰ্দাবাদ ধ্বনি। এগৰাকী প্ৰাৰ্থীৰ পৰা দলগাঁও কংগ্ৰেছৰ শীৰ্ষ নেতৃত্বই ধন লোৱাৰ গুৰুতৰ অভিযোগৰ ফলত এই উত্তেজনাময় পৰিৱেশ।
দলগাঁও সমষ্টিৰ কংগ্ৰেছত বৃহৎ ফাট । দলৰ শীৰ্ষ নেতৃত্বৰ বিৰুদ্ধে ক্ষোভিত হৈ কংগ্ৰেছ কৰ্মীয়ে দিলে কংগ্ৰেছ মুৰ্দাবাদ ধ্বনি ।
উল্লেখ্য যে , দলগাঁও সমষ্টিৰ প্ৰাক্তন বিধায়ক ইলিয়াছ আলী আৰু তেওঁৰ জোঁৱাই মোজাম্মিল হকৰ লগতে দলৰ বহু নেতাই দলগাঁও শিয়ালমাৰী ব্লকৰ সভানেত্ৰী পদৰ এগৰাকী প্ৰাৰ্থীৰ পৰা ধন লোৱাৰ গুৰুতৰ অভিযোগ উত্থাপন হৈছে ।
সভানেত্ৰীৰ প্ৰাৰ্থী মাজেদা খাতুনৰ পৰা দলগাঁও সমষ্টিৰ বহু কেইজন নেতাই মোটা অংকৰ ধন লোৱাৰ অভিযোগ উত্থাপন হৈছে ।
প্ৰাক্তন বিধায়ক ইলিয়াছ আলীৰ জোঁৱাই মোজাম্মিল হকে এখন ধাবাত বহি ৭৫ হাজাৰ টকা লোৱাৰ অভিযোগ উত্থাপন কৰিছে একাংশ কংগ্ৰেছ কৰ্মীয়ে ।এগৰাকী প্ৰাৰ্থীৰ পৰা ধন লৈ আন এগৰাকী প্ৰাৰ্থীক জিকাই দিয়াৰ গুৰুতৰ অভিযোগ উত্থাপন হৈছে।
