ড'নাল্ড ট্ৰাম্পক অগ্ৰাস্য কৰি ভাৰতত উৎপাদন বৃদ্ধি কৰিছে এপ্লে। আমেৰিকাত সৰ্বাধিক বিক্ৰী হৈছে ভাৰতত নিৰ্মিত আইফোন। আমেৰিকাৰ বজাৰত মেড ইন ইণ্ডিয়াৰ আইফোনে পিছপেলালে মেড ইন চায়নাক । আপাতত আমেৰিকাত বিক্ৰীৰ তালিকাত দ্বিতীয় স্থানত আছে চীন। আমেৰিকাৰ বাহিৰৰ বজাৰত যদিও আইফোনৰ বিক্ৰীত চীনৰ আধিপত্য বজাই আছে কিন্তু আমেৰিকাৰ বজাৰত সৰ্বাধিক চাহিদা দেখা গৈছে ভাৰতত তৈয়াৰী আইফোন। যাৰ বাবে ভাৰতত উৎপাদন আৰু বৃদ্ধি কৰাৰ পৰিকল্পনা কৰিছে এপ্লে। এপ্লৰ চিইঅ' য়ে জনোৱা অনুসৰি এপ্লে ভাৰতত ব্যৱসায় বৃদ্ধিৰ ওপৰত মনোনিবেশ কৰিছে
সম্প্ৰতি এপ্লৰ চিইঅ'গৰাকীয়ে ভাৰতত ব্যৱসায় বৃদ্ধিৰ কথা জনাইছে।
আমেৰিকাৰ বজাৰত কেৱল আইফোনেই নহয়, মেকবুক, আইপ্যাড,এপলৰ হাতঘড়ীও আছে চাহিদা, ইয়াৰে অধিকাংশ ভাৰতত উৎপাদিত সামগ্ৰী। উল্লেখ্য যে, ভাৰতসহ আন দেশত সামগ্ৰীৰ উৎপাদন কৰিলে এপলে অধিক ২৫ শতাংশ শুল্ক দিবলগীয়া হ'ব বুলি সংকেত দিছে ট্রাম্প। কিন্তু ট্রাম্পৰ সকিয়নীৰ পিছতো পিছহুহকা নাই এপল । কিয়নো ভাৰতৰ পৰা পোৱাৰ লাভালাভে অধিক আগ্ৰহী কৰি তুলিছে এপলক। ভাৰতত আন কিছুমান ষ্ট'ৰ খুলি খুচুৰা বজাৰত উপলব্ধ কৰিবলৈ অধিক আগ্ৰহী এপল।
সম্প্রতি ট্রাম্পে ভাৰতৰ সামান্যবোৰৰ ওপৰত ২৫ শতাংশ শুল্ক আৰোপ কৰিছে। অৱশ্যে এই শুল্কৰ প্ৰভাৱ ভাৰতৰ আইফোন ৰপ্তানিত নপৰিব। কিয়নো পাৰস্পৰিক শুল্কৰ তালিকাৰ পৰা স্মাৰ্টফোন, কম্পিউটাৰ আৰু অন্য বৈদ্যুতিন সামগ্ৰীক ৰেহাই দিছিল ট্রাম্পে ।
