গুৱাহাটী, ৭ নৱেম্বৰ: অহা ৮ নৱেম্বৰত উদযাপন কৰা হ'ব দীপাৱলী। জ্যোতিষীয় গণনা অনুসৰি, এইবাৰৰ লক্ষ্মী পূজাই পাঁচটা ৰাশিৰ জাতক-জাতিকাৰ বাবে শুভ ফল কঢ়িয়াই আনিব পাৰে।
এই গণনা অনুসৰি বৃষ, কৰ্কট, সিংহ, তুলা আৰু বৃশ্চিক ৰাশিৰ লোকসকলৰ আৰ্থিক অৱস্থাৰ উন্নতি, কৰ্মক্ষেত্ৰত অগ্ৰগতি আৰু ব্যৱসায়ত লাভৰ সম্ভাৱনা আছে।
বৃষ আৰু কৰ্কট ৰাশি
বৃষ ৰাশিৰ জাতক-জাতিকাৰ দীৰ্ঘদিনীয়া আৰ্থিক সমস্যাৰ কিছু সমাধানৰ পথ মুকলি হোৱাৰ সম্ভাৱনা আছে। উপাৰ্জন বৃদ্ধিৰ নতুন সুযোগ লাভ কৰিব পাৰে। চাকৰিয়ালসকলে কৰ্মক্ষেত্ৰত নিজৰ কামৰ বাবে প্ৰশংসা লাভ কৰাৰ লগতে ব্যৱসায়ীসকলৰ লাভৰ সম্ভাৱনা আছে।
কৰ্কট ৰাশিৰ লোকসকলৰ আৰ্থিক বিষয়ত কিছু সকাহ লাভ কৰাৰ লগতে বহুদিন ধৰি আধৰুৱা হৈ থকা কাম সম্পূৰ্ণ হোৱাৰ যোগ আছে। চাকৰিৰ ক্ষেত্ৰত নতুন দায়িত্ব লাভ কৰাৰ লগতে ব্যৱসায়ত লাভজনক সুযোগ আহিব পাৰে।
সিংহ, তুলা আৰু বৃশ্চিক ৰাশি
সিংহ ৰাশিৰ জাতক-জাতিকাৰ কৰ্মজীৱনত উন্নতিৰ নতুন সুযোগ লাভ কৰাৰ সম্ভাৱনা আছে। চাকৰিত পদমৰ্যাদা আৰু সন্মান বৃদ্ধি পাব পাৰে। ব্যৱসায়ীসকলে নতুন চুক্তি লাভ কৰাৰ লগতে আৰ্থিক অৱস্থাৰ উন্নতি হোৱাৰ যোগ আছে।
তুলা ৰাশিৰ লোকসকলৰ বাবে আৰ্থিক লাভ আৰু বহুদিন ধৰি আবদ্ধ হৈ থকা ধন ঘূৰাই পোৱাৰ যোগ আছে। চাকৰিৰ ক্ষেত্ৰত উন্নতিৰ সুযোগ আহিব পাৰে। ব্যৱসায়ত নতুন পৰিকল্পনা সফল হোৱাৰ সম্ভাৱনাৰ লগতে দাম্পত্য জীৱনতো সুখ-শান্তি বৰ্তি থাকিব পাৰে।
বৃশ্চিক ৰাশিৰ জাতক-জাতিকাই কৰ্মক্ষেত্ৰত পৰিশ্ৰমৰ স্বীকৃতি লাভ কৰাৰ সম্ভাৱনা আছে। চাকৰি সলনি কৰাৰ কথা ভাবি থকা লোকসকলে ভাল খবৰ লাভ কৰিব পাৰে। ব্যৱসায়ত লাভ বৃদ্ধি আৰু পৰিয়ালৰ সৈতে সুখৰ সময় কটোৱাৰ যোগ আছে।
৮ নৱেম্বৰ, দেওবাৰে উদযাপন কৰা হ'ব দীপাৱলী। প্ৰকাশিত পঞ্জিকা অনুসৰি, এইদিনা লক্ষ্মী পূজাৰ শুভ সময় সন্ধিয়া ৫:৫৪ বজাৰ পৰা নিশা ৭:৫০ বজালৈ।
