গুৱাহাটী, ২৮ অক্টোবৰঃ প্ৰয়াত শিল্পী জুবিন গাৰ্গৰ ন্যায়ৰ দাবীত বুধবাৰে উত্তাল হৈ পৰে কটন বিশ্ববিদ্যালয়ৰ চৌহদ। শিল্পীগৰাকীৰ ন্যায়িক প্ৰক্ৰিয়া আৰম্ভ হোৱাৰ এবছৰ পাৰ হোৱাৰ পাছতো কোনো ধৰণৰ ফলাফল লাভ কৰা নাই বুলি ক্ষোভ প্ৰকাশ কৰে প্ৰতিবাদকাৰীসকলে। জুবিন গাৰ্গৰ ন্যায়ৰ দাবীত বি বৰুৱা মহাবিদ্যালয় আৰু সন্দিকৈ ছোৱালী মহাবিদ্যালয়ৰ শিক্ষাৰ্থীসকলেও প্ৰতিবাদ সাব্যস্ত কৰে।
প্ৰতিবাদৰ সময়ত যুৱ নেতা ত্ৰিদিৱ ভাগৱতীয়ে কয়, “শিল্পী বা জুবিনদাক লৈ বেপাৰ কৰাসকল এতিয়া জুবিনদাৰ লগত নাথাকিব পাৰে, কিন্তু ছাত্ৰসমাজ জুবিনদাৰ লগত আছে।” তেওঁৰ এই মন্তব্যৰ জৰিয়তে জুবিন গাৰ্গৰ ন্যায়ৰ দাবীত ছাত্ৰসমাজৰ সমৰ্থন অব্যাহত থকাৰ কথা প্ৰকাশ পায়।
ইফালে, জুবিন গাৰ্গৰ ন্যায়ৰ দাবীত গুৱাহাটীৰ দীঘলীপুখুৰী পাৰতো প্ৰতিবাদ সাব্যস্ত কৰে অসমীয়া যুৱ মঞ্চই। শিল্পীগৰাকীৰ ন্যায়ৰ দাবীত বিভিন্ন স্থানত প্ৰতিবাদ অব্যাহত থকাৰ মাজতে শিক্ষাৰ্থী আৰু যুৱ সংগঠনৰ প্ৰতিবাদে বিষয়টোক পুনৰ চৰ্চালৈ আনিছে।
