সোমবাৰে এক্সত প্ৰকাশ কৰা এটা ভিডিঅ’ত অসমৰ মুখ্যমন্ত্ৰী হিমন্ত বিশ্ব শৰ্মাই কংগ্ৰেছ সভাপতি মল্লিকাৰ্জুন খাৰ্গেক সমালোচনা কৰি তেওঁৰ বক্তব্যই ভাৰতীয় সংস্কৃতিৰ প্ৰতি সন্মান নথকাৰ ধাৰণা দিয়ে বুলি মন্তব্য কৰে।
আদালত-সম্পৰ্কীয় বিষয়ত তেওঁ ক’ব নিবিচাৰে বুলি উল্লেখ কৰি মুখ্যমন্ত্ৰী শৰ্মাই কয় যে, আইনেই নিজৰ কাম কৰি আছে।
ড° ভূপেন হাজৰিকাক ভাৰত ৰত্ন দিয়া সময়তো মল্লিকাৰ্জুন খাৰ্গেই ড° ভূপেন হাজৰিকা আৰু ভাৰত চৰকাৰক সমালোচনা কৰিছিল বুলি মুখ্যমন্ত্ৰীয়ে অভিযোগ কৰে। খাৰ্গেৰ পুত্ৰয়ো বিভিন্ন কথা কৈ থাকে বুলিও তেওঁ মন্তব্য কৰে।
খাৰ্গেৰ পিতৃৰ মৃত্যু ৰজাকাৰৰ বাবে হৈছিল বুলি উল্লেখ কৰি মুখ্যমন্ত্ৰী শৰ্মাই কয় যে, তাৰ পাছতো খাৰ্গেই এনেকুৱা কথা কয়, যাৰ পৰা তেওঁলোকে ভাৰতীয় সংস্কৃতিক সন্মান নকৰে যেন লাগে।
তেওঁলোকৰ ঢাল পাকিস্তানী সংস্কৃতিৰ ফালে বেছি বুলি মুখ্যমন্ত্ৰীয়ে অভিযোগ কৰে। খাৰ্গে তেওঁৰ তুলনাত বহুত বয়োজ্যেষ্ঠ বুলি উল্লেখ কৰি এই বিষয়ত ইয়াতকৈ বেছি নকয় বুলিও শৰ্মাই মন্তব্য কৰে।
