১৮ নৱেম্বৰ:

‘ৰাহুল গান্ধীৰ মাজত পৰিপক্বতাৰ অভাৱ’-২০২৬ ৰ ১৮ নৱেম্বৰত উত্তৰ প্ৰদেশৰ মুখ্যমন্ত্ৰী যোগী আদিত্যনাথে সামাজিক মাধ্যম এক্স (X) যোগে কয় যে ৰাহুল গান্ধীৰ মাজত পৰিপক্বতাৰ অভাৱ আছে।

কংগ্ৰেছ নেতা তথা লোকসভাৰ বিৰোধী দলপতি ৰাহুল গান্ধীৰ মাজত পৰিপক্বতাৰ অভাৱ আছে বুলি মন্তব্য কৰে উত্তৰ প্ৰদেশৰ মুখ্যমন্ত্ৰী যোগী আদিত্যনাথে। ৰাহুল গান্ধীৰ ৰাজনৈতিক আচৰণক লৈ প্ৰশ্ন উত্থাপন কৰি তেওঁ এই মন্তব্য কৰে।

শেহতীয়াকৈ ৰাহুল গান্ধীয়ে পিতৃ-মাতৃৰ ব্যক্তিগত জীৱনৰ স্মৃতি আৰু আমেৰিকাত ভাৰতৰ অৰ্থনীতি তথা নিবনুৱা সমস্যাক লৈ কৰা মন্তব্যক কেন্দ্ৰ কৰি বিজেপি নেতাসকলৰ সমালোচনা অব্যাহত আছে।

১৬ নৱেম্বৰত মাতৃ ছোনিয়া গান্ধীৰ গ্ৰন্থ ‘বিলঙিং: এ জাৰ্নি অৱ লাভ’ৰ উন্মোচনী অনুষ্ঠানত ৰাহুল গান্ধীয়ে পিতৃ ৰাজীৱ গান্ধী আৰু মাতৃ ছোনিয়া গান্ধীৰ আন্তৰিক সম্পৰ্কৰ শৈশৱৰ স্মৃতি সুঁৱৰিছিল। তেওঁ কৈছিল যে, পৰিয়ালৰ আহাৰৰ সময়ত মাতৃয়ে পিতৃৰ কোলাত বহি থকা দৃশ্য তেওঁ সৰুৰে পৰা দেখি আহিছিল আৰু সেই পৰিৱেশকে স্বাভাৱিক বুলি ভাবিছিল।

এই মন্তব্যৰ পাছতে বিজেপিৰ একাংশ নেতাই ৰাজহুৱা মঞ্চত পৰিয়ালৰ ব্যক্তিগত স্মৃতি প্ৰকাশ কৰাক লৈ সমালোচনা কৰে। অসমৰ মুখ্যমন্ত্ৰী হিমন্ত বিশ্ব শৰ্মায়ো সামাজিক মাধ্যমত ৰাহুল গান্ধীক কটাক্ষ কৰে। ছোনিয়া গান্ধীক সম্বোধন কৰি কৰা এক পোষ্টত পুত্ৰৰ মন্তব্যই তেওঁক অস্বস্তিত পেলোৱা বুলি ইংগিত দিয়ে।

ইয়াৰ পূৰ্বে ২৩ অক্টোবৰত হিমন্ত বিশ্ব শৰ্মাই ৰাহুল গান্ধীক ‘চিৰযৌৱনৰ সামগ্ৰী’ বুলি অভিহিত কৰি তেওঁ কেতিয়াও পৰিপক্ব নহয় বুলিও কটাক্ষ কৰিছিল।

আনহাতে, বিজেপি নেতা অমিত মালৱীয়াই উল্লেখ কৰে যে ৰাজনীতিত দুটা দশকতকৈও অধিক সময় কটোৱা আৰু কেইবাবাৰো 'ৰি-লঞ্চ' কৰাৰ পাছতো ৰাহুল গান্ধীৰ বয়স বাঢ়িছে যদিও তেওঁৰ ৰাজনৈতিক পৰিপক্বতা বৃদ্ধি হোৱা নাই।

আনহাতে, আমেৰিকাৰ কলম্বিয়া বিশ্ববিদ্যালয়ত অনুষ্ঠিত এক অনুষ্ঠানত ভাৰতৰ নিবনুৱা সমস্যা আৰু শিক্ষা ব্যৱস্থাৰ প্ৰত্যাহ্বান সন্দৰ্ভত ৰাহুল গান্ধীয়ে কৰা মন্তব্যক লৈ বিজেপি নেতা নাৰায়ণন তিৰুপথিয়েও তেওঁক অজ্ঞ আৰু অপৰিপক্ব বুলি সমালোচনা কৰে।

ইয়াৰ প্ৰত্যুত্তৰত ১৭ নৱেম্বৰত ৰাহুল গান্ধীয়ে সামাজিক মাধ্যমত বিজেপি আৰু আৰ এছ এছৰ সমৰ্থকসকলক উদ্দেশ্যি এক পোষ্ট কৰে। কংগ্ৰেছৰ একাংশ নেতাই তেওঁৰ পাৰিবাৰিক স্মৃতিচাৰণক স্বাভাৱিক অনুভূতি বুলি অভিহিত কৰি সমালোচনাৰ বিৰোধিতা কৰিছে।

পুনৰ ২০২৬ ৰ ১৮ নৱেম্বৰত উত্তৰ প্ৰদেশৰ মুখ্যমন্ত্ৰী যোগী আদিত্যনাথে সামাজিক মাধ্যম এক্স (X) যোগে ৰাহুল গান্ধীৰ মাজত পৰিপক্বতাৰ অভাৱ আছে বুলি কংগ্ৰেছ নেতা ৰাহুল গান্ধীক লৈ তীব্ৰ সমালোচনা কৰিছে।