বেনাৰস, ৩ নৱেম্বৰ: বিজেপিৰ বিদায়ক লৈ তাৎপৰ্যপূৰ্ণ মন্তব্য সমাজবাদী পাৰ্টীৰ ৰাষ্ট্ৰীয় সভাপতি অখিলেশ যাদৱৰ। ‘বিজেপি বিদায় ল’লে বেনাৰসত হাঁহি বিৰিঙিব’ বুলি মন্তব্য কৰি শাসকীয় দলটোক লক্ষ্য কৰি কটাক্ষ কৰে উত্তৰ প্ৰদেশৰ প্ৰাক্তন মুখ্যমন্ত্ৰীগৰাকীয়ে।
বেনাৰসত বিজেপিক লৈ অখিলেশৰ কটাক্ষ
বিজেপিৰ শাসনৰ অৱসান ঘটিলে বেনাৰসৰ জনসাধাৰণৰ মাজত পুনৰ আনন্দৰ পৰিৱেশ ঘূৰি আহিব বুলি মন্তব্য কৰে অখিলেশ যাদৱে।
MLC নিৰ্বাচনৰ ফলাফলক লৈও আক্ৰমণ
শেহতীয়াকৈ বেনাৰসৰ বিধান পৰিষদৰ নিৰ্বাচনত সমাজবাদী পাৰ্টীয়ে দুয়োখন আসন লাভ কৰাৰ পাছতে বিজেপিক লক্ষ্য কৰি সমালোচনা কৰিছিল অখিলেশে।
বিজেপিৰ ‘ডাবল ইঞ্জিন’ চৰকাৰৰ শ্ল’গানক কটাক্ষ কৰি তেওঁ কৈছিল যে কাশীৰ জনসাধাৰণে বিজেপিক ‘ডাবল জিৰ’ উপহাৰ দিছে।
২০২৭ত বিজেপিৰ বিদায়ৰ দাবী
ইয়াৰ পূৰ্বে ১ নৱেম্বৰত দিল্লীৰ ৰামলীলা ময়দানত অনুষ্ঠিত INDIA মিত্ৰজোঁটৰ সমাৱেশতো বিজেপিৰ বিদায়ৰ ভৱিষ্যদ্বাণী কৰিছিল অখিলেশ যাদৱে।
তেওঁৰ দাবী, ২০২৭ চনৰ উত্তৰ প্ৰদেশ বিধানসভা নিৰ্বাচনত বিজেপি আৰু মিত্ৰদলসমূহে পুনৰ ক্ষমতালৈ উভতি অহাৰ সুযোগ নাপাব।
