মুখ্যমন্ত্ৰী হিমন্ত বিশ্ব শৰ্মাই মঙলবাৰে জনাইছে যে, কলেজত নামভৰ্তি মাচুল ৰেহাই দিয়াৰ বাবে উচ্চশিক্ষা প্ৰতিষ্ঠানসমূহক ₹108 কোটি পুঁজি যোগান দিয়াৰ সিদ্ধান্ত কেবিনেটে লৈছে।
তেওঁৰ মতে, নিৰ্দিষ্ট উপাৰ্জনৰ সীমাৰ ভিতৰত থকা ছাত্ৰ-ছাত্ৰীয়ে কলেজত নামভৰ্তিৰ সময়ত মাচুল দিব নালাগে। কিন্তু এই ৰেহাইৰ ফলত কলেজ-বিদ্যাপীঠৰ কাম-কাজত যাতে প্ৰভাৱ নপৰে, তাৰ বাবে চৰকাৰে পুঁজি দিয়ে।
এইবাৰৰ ₹108 কোটি পুঁজি পোনপটীয়াকৈ মহাবিদ্যালয়সমূহক যোগান ধৰা হ'ব বুলি মুখ্যমন্ত্ৰীয়ে কৈছে।
